இயக்குனர் சுசீந்திரன் இயக்கத்தில் வெளிவந்த "வெண்ணிலா கபடி குழு" திரைப்படத்தின் மூலம் அறிமுகமானவர் சூரி இவரை பரோட்டா சூரி என்றும் அழைப்பர்.
நடிகர் சூரி தனது தனித்துவமான கிராமத்து காமெடிகள் மூலம் நல்ல காமெடி நடிகராக வலம் வருகிறார்.
இந்நிலையில் அவரது காமெடிகள் எல்லாம் ஒரே மாதிரி இருக்கின்றது என்று நெட்டிசன்கள் அவரை அவ்வப்போது கலாய்த்து வருகின்றனர்.
இருந்தாலும் அதையெல்லாம் கண்டுகொள்ளாமல் அடுத்தடுத்த படிகளை நோக்கி முன்னேறி கொண்டிருக்கிறார் நடிகர் சூரி.
இவர் இயக்குனர் வெற்றிமாறன் இயக்கும் "விடுதலை" எனும் திரைப்படத்தில் கதாநாயகனாக நடித்து வருகிறார். இவருடன் விஜய் சேதுபதியும் ஒரு முக்கியமான கதாபாத்திரத்தில் நடித்து வருகிறார்.
இத்திரைப்படத்தின் சூட்டிங் விறுவிறுப்பாக நடைபெற்று வருகிறது. ஒரு காமெடி நடிகராக இருந்துகொண்டு வெற்றிமாறன் இயக்கத்தில் நாயகனாக நடிப்பதால் அவருக்கு தற்போது மார்க்கெட் அதிகரித்துள்ளது.
இதனைத் தொடர்ந்து இயக்குனர் ராம் இயக்கத்தில் நிவின் பாலி ஹீரோவாக நடிக்கும் ஒரு படத்திலும் முக்கியமான வேடத்தில் நடிக்கிறார் சூரி.
இதுபோக தற்போது "பருத்திவீரன்" படத்தை இயக்கிய அமீர் 9 வருடங்கள் கழித்து மீண்டும் ஒரு புதிய படத்தை இயக்குகிறார்.
அந்தத்திரைப்படத்திற்கு "இறைவன் மிகப்பெரியவன்" என்று தலைப்பு வைக்கப்பட்டுள்ளது.
இப்படத்தில் சூரி முதன்மை நாயகனாக நடிக்கிறார்.
மேலும் இவர் அடுத்தடுத்து முக்கிய இயக்குனர்களின் படத்தில் முக்கிய வேடங்களில் நடித்து வருகிறார்.
இது அவரது திரை பயணத்தில் அசுர வளர்ச்சியாக பார்க்கப்படுகிறது. இதுபோல இவர் மேலும் பல திரைப்படங்களில் நடிக்க வேண்டும் என்று ரசிகர்கள் கோரிக்கை வைத்துள்ளனர்.