தமிழ் சினிமாவில் தற்போது முன்னணி நடிகர்களாக இருப்பவர்கள் விஜய் மற்றும் அஜீத் இவர்களின் படங்கள் ஒரே நாளில் வெளிவந்துள்ளது. இதில் யாருடைய படங்கள் அதிக முறை வெற்றி பெற்றுள்ளது என்பதை பார்க்கலாம்.
வான்மதி,கோயமுத்தூர் மாப்பிள்ளை: :
1996 ஆண்டு பொங்கல் பண்டிகையை முன்னிட்டு விஜய்க்கு கோயமுத்தூர் மாப்பிள்ளை படமும், அஜித்துக்கு வான்மதி படமும் வெளியானது.
இந்த இரண்டு படங்களுமே நல்ல விமர்சனத்தை பெற்று மெஹா ஹிட் ஆனது.
கல்லூரி வாசல், பூவே உனக்காக:
1996 ஆம் ஆண்டு பிப்ரவரி மாதம் இரண்டாவது முறையாக விஜய், அஜித் படங்கள் மோதிக் கொண்டது.
விஜய்க்கு பூவே உனக்காக படமும், அஜித்க்கு கல்லூரி வாசல் படமும் வெளியானது.
விஜய்யின் திரை பயணத்தில் முக்கியமான படமாக அமைந்தது பூவே உனக்காக படம். இப்படம் 150 நாட்களுக்கு மேல் ஓடியது பிளாக்பஸ்டர் ஹிட்டானது.
அஜித் கல்லூரி வாசல் படத்தில் இரண்டாம் கதாநாயகனாக நடித்து இருந்தார். இப்படம் அவருக்கு எதிர்பார்த்த அளவு போகவில்லை.
ரெட்டை ஜடை வயசு,காதலுக்கு மரியாதை :
1997 ல் விஜய் நடிப்பில் காதலுக்கு மரியாதை படமும் அஜித் நடிப்பில் ரெட்டை ஜடை வயசு படமும் மோதிக்கொண்டது. விஜய் நடித்த காதலுக்கு மரியாதை படம் பிளாக்பஸ்டர் ஹிட் ஆனது.
ஆனால் அஜித் நடித்த ரெட்டை ஜடை வயசு படம் மிக மோசமான தோல்வியை சந்தித்தது.
உன்னை தேடி,துள்ளாத மனமும் துள்ளும் :
1999 ல் விஜய்க்கு துள்ளாத மனமும் துள்ளும் படமும், அஜித்துக்கு உன்னைத்தேடி படமும் வெளியானது. இதில் விஜய்யின் துள்ளாத மனமும் துள்ளும் படம் 150 நாட்களுக்கு மேல் வெற்றிகரமாக ஓடி மெகா ஹிட்டானது.
அதேபோல் அஜித்தின் உன்னைத்தேடி படமும் 100 நாட்களை தாண்டி ஓடி சூப்பர் ஹிட் வெற்றி பெற்றது.
குஷி, உன்னை கொடு என்னை தருவேன்:
2000 ஆண்டு ஒரே நாளில் விஜய்யின் குஷி படமும், அஜித்தின் உன்னை கொடு என்னை தருவேன் படமும் வெளியானது. விஜய்யின் குஷி படம் மிகப்பெரிய ஹிட் கொடுத்தது.
ஆனால் அஜித்தின் உன்னை கொடு என்னை தருவேன் படம் தோல்விப் படமாக அமைந்தது.
பிரண்ட்ஸ், தீனா:
2001 ல் அறிமுக இயக்குனர் ஏ ஆர் முருகதாஸ் இயக்கத்தில் அஜித்துக்கு தீனா படமும் விஜய்க்கு பிரண்ட்ஸ் படமும், வெளியானது. முருகதாஸ் இயக்கத்தில் வெளியான தீனா படம் பிளாக்பஸ்டர் ஹிட்டானது.
விஜய்க்கும் பிரண்ட்ஸ் படம் சூப்பர் ஹிட் கொடுத்தது. 2001 ல் வெளியான இந்த இரண்டு படமுமே பிளாக்பஸ்டர் ஹிட் ஆனது.
வில்லன்,பகவதி:
2002ஆம் ஆண்டு அஜித்துக்கு வில்லன் படமும், விஜய்க்கு பகவதி படமும் வெளியானது.
கேஎஸ் ரவிக்குமார் இயக்கத்தில் அஜித்தின் வில்லன் படம் மிகப்பெரிய பிளாக்பஸ்டர் ஹிட் ஆனது.
ஆனால் விஜய்யின் பகவதி படம் நல்ல விமர்சனங்களை பெற்றாலும் வெற்றி பெறவில்லை.
திருமலை, ஆஞ்சநேயா:
2003 ல் அஜித்திற்கு ஆஞ்சநேயா படமும், விஜய்க்கு திருமலை படமும் வெளியானது.
விஜய்யின் திருமலை படம் ஓரளவு நல்ல விமர்சனங்களை பெற்று வெற்றிபெற்றது.
ஆனால் அஜித்தின் ஆஞ்சநேயா படம் மிகவும் மோசமான தோல்வியை சந்தித்தது.
ஆதி, பரமசிவன்:
2006 ஆம் ஆண்டு விஜய்யின் ஆதி மற்றும் அஜித்தின் பரமசிவன் படம் ஒரே நாளில் வெளியானது.
விஜயின் ஆதி படம் மிகப்பெரிய தோல்வியடைந்தது. அஜித்தின் பரமசிவன் படம் ஓரளவுக்கு லாபம் தந்தது ஆனால் இப்படம் எதிர்பார்த்த வெற்றி பெறவில்லை.
ஜில்லா, வீரம்:
பல வருட இடைவெளிக்குப் பிறகு 2014 ஆம் ஆண்டு பொங்கல் பண்டிகைக்கு விஜய்யின் ஜில்லா படமும், அஜித்தின் வீரம் படமும் ஒரே நேரத்தில் வெளியானது.
இந்த இரண்டு படங்களுமே ரசிகர்களிடையே நல்ல வரவேற்பை பெற்று அந்த ஆண்டு இரண்டு படங்களுமே ப்ளாக்பஸ்டர் ஹிட்டானது.