நீண்ட நாள் காத்திருப்புக்குப் பிறகு அஜித்தின் வலிமை படம் வெளியாகி வசூல் ரீதியாக நல்ல வரவேற்பு பெற்று வருகிறது. இந்நிலையில் மீண்டும் ஹெச் வினோத் இயக்கத்தில் அஜித் நடிப்பில் அடுத்த படம் உருவாக உள்ளது. இந்தப் படத்தையும் போனிகபூர் தயாரிக்க உள்ளார்.
சில நாட்களுக்கு முன் போனிகபூரின் ட்விட்டர் பக்கத்தில் அஜித்தின் Ak 61 படத்தின் ஃபர்ஸ்ட் லுக் போஸ்டரை வெளியிட்டிருந்தார். சமீபகாலமாக அஜித் குமார் வித்தியாசமான கதைகளை தேர்ந்தெடுத்து நடித்து வருகிறார். அஜித்தின் Ak 61 படத்தின் படப்பிடிப்பு மார்ச் 9ம் தேதி தொடங்க உள்ளது.
இயக்குனர் சுதா கொங்கராவும் வித்தியாசமான கதைகள் கொண்ட படங்களை இயக்கி வருகிறார். சூர்யா நடிப்பில் சுதா கொங்கரா இயக்கத்தில் வெளியான படம் சூரரைப்போற்று. இப்படம் மக்களிடையே மிகப்பெரிய வரவேற்பைப் பெற்றிருந்தது.
இந்நிலையில் அஜித் சுதா கொங்கரா கூட்டணியில் படம் ஒன்று உருவாகப் போவதாக அண்மையில் தகவல் வெளியானது. அஜித், சுதா கொங்கரா கூட்டணி எப்போது இணையும் என்று ரசிகர் ஒருவர் ஜிவி பிரகாஷ்யிடம் கேள்வி எழுப்பி உள்ளார்.
அதற்கு, ஜிவி பிரகாஷ் சுதா கொங்கரா அஜித்துக்காக ஒரு சூப்பர் கதை வைத்திருப்பதாகவும், அந்த கதை அமைந்தால் பயங்கரமாக இருக்கும் என பதில் கூறியுள்ளார். மேலும் அந்த படத்திற்கு நானே இசையமைப்பேன் என ஜிவி பிரகாஷ் உறுதியளித்துள்ளார். இதனால் Ak 61 படத்திற்கு பிறகு அஜித் வைத்து சுதா கொங்கரா படம் இயக்குவார் என்பது உறுதியாகியுள்ளது.
மேலும் இந்தப்படத்தில் அஜித்தின் காட்சிகள் ஒவ்வொன்றும் ரசிகர்களுக்கு விருந்து வைக்கும் விதமாகவும், யாரும் எதிர்பாராத சில காட்சிகளில் இடம்பெறும் எனவும் கூறியுள்ளார். இந்தத்திரைப்படம் உருவானால் அஜித்திற்கும், சுதாவுக்கும் கண்டிப்பாக ஒரு மிகப்பெரிய வெற்றி படமாக அமையும் எனவும் ஜிவி பிரகாஷ் கூறியுள்ளார்.